PANGAYAW DAKUP SA DRUG BUY BUST OPERATION SA PAVIA

ILOILO CITY – Nadakpan sa drug buy bust operation ang 36-anyos nga pangayaw sa Brgy. Balabag, Pavia kahapon sang hapon, Marso 24.

Ginkilala ang nadakpan kay Archie Gonzales, residente sang Nabitasaan, La Paz.

Suno kay Police Major Dajie Delima, hepe sang Pavia Police Station, walo ka sachets sang suspected shabu ang na-recover kay Gonzales.

Tatlo ka semana siya nga gin-monitor suno kay Delima antes ginhimo ang operasyon.

Samtang ginkumpirmar ni Nabitasan, La Paz Punong Barangay Barbara Joy Arroza nga tumandok sang barangay si Gonzales. Ginkumpirmar niya nga nakaagi man preso tungod sa illegal nga druga ang subject. –via Angel Mae Ciudad