Gunban para sa BSKE 2023 gin-extend tubtob sa Nobyembre 29

Ginpalawig pa sang duha ka semana ang ipatuman nga gun ban para sa Barangay kag SK Elections 2023 base sa bag-o nga calendar of activities nga ginpagguwa sang Comelec subong nga adlaw.

Una na gin-set ang gun ban halin Agosto 28 tubtob Nobyembre 14 apang sa ginbag-o nga calendar of activities, magalawig ini tubtob sa Nobyembre 29.

Maga-umpisa ang filing sang Certificate of Candidacy sa Agosto 28 tubtob Setyembre 2. Gintalana naman ang campaign period sa Oktubre 19 tubtob 28 kag hiwaton ang eleksyon sa Oktubre 30 halin las-7 sa aga tubtob las-3 sa hapon.

Kapin sa 19-million naman ka mga balota ang natapos na sa pag-imprinta sang Comelec para sa barangay kag SK Elections.