2 ka lalaki patay sang gintiro sang nagasakay sa motorsiklo sa La Paz

ILOILO CITY — Patay ang duha ka lalaki sang gintiro sa Baldoza, La Paz pasado las 2 subong nga kaagahon.

Ginkilala ang mga biktima kanday Jomar Mendoza sang San Nicolas, La Paz kag Edmond “alyas Turling” Mendoza sang Baldoza, La Paz nga lunsay may pilas sa ulo.

Suno kay Barangay Kagawad Jerry Dumlao naka-istoryahanay pa ang mga biktima kag ang duha ka lalaki nga nagasakay sa motorsiklo antes ginpangtiro ang mga biktima.

Ginpahayag ni Kagawad Dumlao nga nagapangape ang mga biktima.

Nagpalagyo ang mga suspek pakadto sa direksyon sang Ticud, La Paz.

Ginabanta sa 10 ka mga basiyo sang 45 caliber pistol ang nakit-an sa crime scene.

Suno naman kay former Punong Barangay Antonio Jaleco sang Baldoza, La Paz nakita niya ang pagbalik liwat sang mga suspek kag gin-finishing si Edmond.

Sa initial nga imbestigasyon sang La Paz Police, naka-agi preso si Edmond may kaangtanan sa illegal nga droga.