3 pilason sang nabungguan sang taxi ang truck sa Oton
ILOILO — Tatlo pilason sang nakabunggo ang taxi sa 6-wheeler truck sa Brgy. Poblacion South, Oton kahapon, Marso 29.
Napilasan ang pasahero sang taxi nga ginkilala kay Lynard Lachica sang Brgy. Salngan, Oton.
Napilasan man ang duha sa tatlo ka sakay sang 6-wheeler truck nga kanday Joel Tiangson kag Michael Tubig sang Tigbauan.
Nagreklamo sang pagpalanakit sang ila lawas sanday Rodante Llanda sang Brgy. San Luis, Sara nga driver sang JTC Taxi kag Clark Baylosis nga driver sang 6-wheeler truck.
Suno kay Police Corporal Raymond Dollete, imbestigador sang Oton Police Station, halin sa siyudad ang taxi kag madul-ong sang pasahero sa Brgy. Salngan, Oton sang nakabunggo sa truck nga may karga nga balas nga halin naman sa Tigbauan.
Sa imbestigasyon ni Dollete, napiyungan ang driver sang taxi.
Nag-aregluhanay ang magtimbang nga bahin.
