Security measures sang ICPO preparado na para sa Semana Santa
ILOILO CITY – Plastado na ang ipatuman nga security measures sang Iloilo City Police Office (ICPO) para sa Semana Santa.
Suno sa ICPO, may personnel nga i-deploy agud mag-conduct sang security operation, police visibility, kag traffic control kaupod ang mga force multipliers agud masiguro nga ma-obserbar sang malinong kag matawhay ang Semana Santa.
Ginpasiguro man sang ICPO nga may ipahamtang nga police assistance desk sa mga malls, transport terminals, simbahan, plazas sa diin ginapaabot ang pagdugok sang mga tawo.
Nagpanugyan naman ang kapulisan sa publiko nga mangin mahinalungon sa mga gamit kag mag-aligmat agud malikawan ang ano man nga insidente.
