Bodega sang bugas sa La Paz ginkawatan

ILOILO CITY — Ginsulod sang kawatan ang bodega sang bugas nga ginapanag-iyahan ni Ethel Eudela sa Brgy. Mc Arthur La Paz, mga las-3 kahapon sang hapon, Abril 8.

Ginabanta sa 50 ka tag-tunga sa sako nga bugas ang nakuha sang ginhimo ang pag-inventory nga nagabalor sang tag-P1,060 kada isa.

Base sa imbestigasyon sang police, ginguba sang kawatan ang tatlo ka mga kandado agud masulod niya ang bodega.

Nadakpan sang police ang kawatan nga ginkilala kay Selwyn Clide Argamaso alyas Kokey. Na-recover sa iya ang anum ka tag-tunga sa sako nga bugas.

Ginkumpirmar naman sang police nga base sa ikaduha nga pag-inventory, anum lang ka tag-tunga sa sako nga bugas ang nakuha sa warehouse kag indi 50 pareho sa una nga gin-report.

Preso na si Argamaso sa La Paz police station.