Manugbaligya sang uga dakup sa drug buy bust operation sa Pototan

ILOILO — Dakup ang 34-anyos nga lalaki sa drug buy bust operation sa Brgy. Malusgod, Pototan kahapon, Abril 8.

Ginkilala ang subject kay Noextro Pinuela, residente sang Brgy. Cau-ayan, Pototan.

Suno kay PMaj. Roy Tayona, hepe sang Pototan Municipal Police Station, duha ka semana nila nga gin-monitor si Pinuela.

Ginapaagi ni Pinuela suno kay Tayona ang pagbaligya sang ilegal nga droga sa paglibod sang uga.

Nalakip sa mga na-recover ang 10 tanan ka plastic sachet sang suspected shabu nga nagabug-at 6 grams kag nagabalor P40,800.

Preso si Pinuela sa Pototan Municipal Police Station.