5 dakup sa pa-uwak sa Molo
ILOILO CITY– Lima ang nadakpan nga nagapauwak sa Brgy. West Habog-habog, Molo las-11:15 kahapon sang aga, Abril 9.
Ginkilala ang mga nadakpan kanday Dulcisimo Borgonia Jr., 51 anyos; Karniel Legario, 31-anyos lunsay taga-Brgy. West Habog-habog, Molo; Reynaldo Bataquin-65-anyos; Joseph Candolada, 30-anyos; Phrazed Solinap, 35-anyos nga lunsay residente sang Brgy. Boulevard, Molo.
Suno kay Police Captain Benjie Dicen, Hepe sang Molo Police Station, nagdumdom ang mga nagkaladakpan nga nagabantay ang police sa simbahan, baybay kag nagbakasyon gani nagpauwak.
Pero ginpabutyag ni Dicen nga temprano pa sila nakabaton sang impormasyon may kaangtanan sa illegal gambling activity rason nga gilayon nila gin-validate kag gin-raid ang lugar.
Isa ka police ang napilasan tungod ginkagat sang ido nga ginkilala kay Patrolman Mark Deslate sang Molo Station Drug Enforcement Unit.
Na-recover sa lugar ang siyam ka manok nga hulo kag P2,700 nga taya.
Ginatinguhaan sang Aksyon Radyo Iloilo News team nga makuhaan sang pahayag ang lima nga presu subong sa Molo Police Station.
