Pick-up nahulog sa pil-as sa Lambunao, Iloilo

LAMBUNAO, ILOILO — Nahulog sa pil-as ang pick-up sa Barangay Sibacungan, Lambunao pasado las-12 subong nga udto.

Ginkilala ang driver kay alyas Nilo kag residente sang Poblacion Ilawod, Lambunao

Suno sa sa Lambunao Police, posible napiyungan ang driver kag wala niya makit-an nga utod ang iya gina-agyan nga dalan rason nga nagdiretso ang ginamaneho niya nga salakyan sa pil-as.

May gasgas sa mga kamot si alyas Nilo tungod sa pagsumbag niya sa wind shield agud nga makaguwa sa salakyan.

Gintinguhaan sang Aksyon Radyo News Team nga makuhaan sang statement si Nilo apang nagpamalibad na nga maghatag.