Jalaur High Dam labing una nga concrete dam sa pungsod —NIA 6

CALINOG, ILOILO — Ginapadayaw sang National Irrigation Authority (NIA) 6 ang malapit na lang matapos nga Jalaur River Multi-Purpose Project Stage II nga ginakabig labing una nga “concrete dam” sa pungsod.

Suno kay Steve Cordero, NIA VI – Jalaur River Multipurpose Project Watershed Management Chief/ Designated Spokesperson, katuyuan sang dam nga makatipon sang 250.70 million cubic meters nga tubig kag gamiton nga patubig sa mga irigasyon kag bulk water supply.

As of March 2023, yara na sa 65.58% ang completion rate sang tatlo ka mga dams —Jalaur High Dam, Alibunan River Catch Dam, kag Jalaur Afterbay Dam.

Substantially completed naman ang Alibunan River Catch Dam kag Jalaur Afterbay Dam kag mga minor works na lang ang ginatapos.

Padayon man ang construction sang high line canal nga may kalaba-on nga 47 kilometers nga sakop sang Calinog, Lambunao, Janiuay kag Cabatuan.

Ginapan-aw sang NIA nga matapos kag mangin operational ang proyekto sa Marso 2025 kag mangin daku nga bulig sa 31,840 ka mga kaumahan sa bilog nga probinsiya sang Iloilo kag magataas ang annual rice production sa 300 metric tons. –via Cedrick Anona