Seniro citizen patay sang gintiro sa Alimodian

ILOILO — Patay ang 64-anyos nga lalaki sang gintiro sa Barangay Cabacanan Proper, Alimodian, las-2 kahapon sang hapon, Abril 14.

Ginkilala ang biktima kay Norito Cagud, mangunguma kag residente sang Barangay Cabacanan Rizal, Alimodian.

Suno kay PCPT Chrysler John Ledesma, hepe sang Alimondian Police Station, may tatlo ka lalaki nga nagpalapit sa biktima kag gulpi lang siya gintiro sang isa sa ila. Naigu si Cagud sa ulo.

Gilayon nga nagpalagyo ang mga suspect sa nabukid nga parte sang banwa, suno sa police.

Indi pa matumod sang police ang motibo sa pagpatay kay Cagud. –via Angel Mae Ciudad