Iloilo Gov. Arthur Defensor, Jr. nagpositibo sa COVID-19
Nagpositibo sa COVID-19 si Iloilo Governor Arthur Defensor, Jr. Ini ang ginpahibalo base sa Facebook page sang Iloilo Provincial Government.
Base sa impormasyon, Abril 13 sang umpisa nga nakabatyag sang mga sintomas ang gobernador.
Tungod sini, ginapanugyan sang provincial government ang mga naka-close contact sa gobernador nga bantayan ang mga sinyales kag sintomas sang COVID-19 kag mag-obserbar sang health protocols.
