Maestra nanghatag sang ice pop sa iya mga estudyante tungod sa tama ka init nga tiyempo
ILOILO — Gin-enjoy sang 58 ka grade 10 pupils sang Dumangas National High School ang ice pop nga ginpanagtag sang ila maestra bilang pangpaumpaw sa tama ka init nga tiyempo.
Suno kay Ms. Keziah Faye Duhina, adviser sang Grade 10-Maginificent sang DNHS, naga-exam sila para sa third quarter apang tungod sa grabe nga kapaang kag init, napinsaran niya nga hatagan sang ice pop ang iya mga estudyante.
Ginbutangan niya man sang ice ang water jug sang mga estyante agud magbugnaw ang ilimnon nila nga tubig.
Ginpaatag ni Duhina nga wala sang kahoy sa palibot sang ila classroom kag ikitanay pa ang mga building gani halos wala sang hangin nga nagadapya.
San San Miguel, Iloilo may mga estudyante na nga gin-report nga naglain ang pamatyag tungod sa sobra ka init nga tiyempo.
Base sa data sang PAGASA, 35 degrees Celsius ang maximum temperature kahapon,, Abril 19. Na-record naman sang Martes, Abril 18 ang pinakamataas nga heat index sa Roxas City, Capiz nga naglab-ot sa 43 degress Celsius.
