Iloilo City Mayor Jerry Treñas nag-request sa DPWH6 nga ipakita sa publiko ang rekomendasyon sang 3rd party consultant sa Ungka, Aganan flyovers
Suno kay Mayor Jerry Treñas, “I called ARD Al Fruto requesting DPWH to make public the third party consultants recommendation on the Ungka and Aganan flyovers at the earliest possible time . I told him I will call for a meeting of the RDC Infra Committee so that DPWH can make a report .”
Ma-schedule sang meeting si Treñas sa taga-DWPH sa masunod nga semana.
Balantayan kun matambong ang mga opisyal sang Department of Public Works and Highways (DPWH6) sa ipatawag nga meeting ni Iloilo City Mayor Jerry Treñas sa taga-Committee on Infrastructure sang Regional Development Council (RDC) sa masunod nga semana.
Luyag sang alkalde nga ipaguwa sang DPWH sa publiko ang rekomendasyon third party consultant sa ginhimo nila nga assessment sa Ungka kag Aganan flyover.
Nahibaluan nga pila ka beses na nga nagpanawagan si Mayor Treñas sa taga-DPWH 6 nga i-report sa publiko ang rekomendasyon sang third party consultant.
Una na ginpahayag ni DPWH 6 Asst. Regional Director Jose Al Fruto nga ginahulat pa nila ang kopya sang rekomendasyon halin sa DPWH Central Office.
Sang nagligad ginpatawag man sang Sangguniang Bayan sang Pavia ang taga-DPWH 6 agud istoryahan ang problema sa drainage sa Ungka flyover apang representative lang ang nagkadto kag wala sang opisyal nga nagtambong.
