DepEd 6 preparado na para sa WVRAA Meet 2023
Preparado na ang Department of Education Region 6 para sa Western Visayas Regional Athletic Association ukon WVRAA Meet 2023 nga iga-host sang Aklan sa Abril 26 tubtob Abril 30.
Hiwaton ang regional meet makaligad ang tatlo ka tuig nga ginpa-iway tungod sang COVID-19 pandemic.
Ang subong nga tuig nga WVRAA Meet may tema nga “Championing Excellence through Sports”
Ginpahayag ni DepEd 6 regional director Dr. Ramir Uytico nga handa naman ang Schools Division sang Aklan sa regional meet kag nagpasalig nga iprayoridad ang ikaayong lawas snag mga delegado, technical officials kag iban pa nga DepEd personnel ilabe na subong nga sobra ka init nga tiemp.
Naplastar naman suno sa iya ang mga measures para sa seguridad sang mga delegado.
Masobra four thousand ka mga atleta, coaches, chaperones, trainers kag officials halin sa nagkalain-lain nga mga probinsya sa Western Visayas ang mapasakop sa WVRAA Meet.
Hiwaton ang opening ceremony sa Makato, Aklan sa Abril 26 las 4 sang hapon.
