Pambato sang Iloilo sa 400-meter heats Elementary girls category nagdalagan nga nakatiniil
Indi kasaho nga magsuksok sang sapatos samtang nagadalagan sa tracking field si Karen Balaan sang Tarong Elementary School sa Carles, Iloilo sa nagapadayon nga Western Visayas Regional Athletic Association (WVRAA) Meet 2023 sa Aklan Sports Complex, sa Makato, Aklan.
Sa baylo nga sapatos ang gamiton, adhesive medical tape ang ginbutang sang mga coaches sa tiil ni Balaan agud indi siya mapilasan.
Ginpa-athag naman sang coach nga may running shoes si Balaan apang ginpili niya nga indi pagsuksukon.
Suno naman kay Balaan, nangin inspirasyon niya ang iya amay sa sport nga iya ginapasakupan kag daku ang kalipay niya nga nakalab-ut siya sa WVRAA 2023.
Nagpanguna si Balaan sa iya mga kasumpong sa amo nga category.
Sulod na si Balaan sa finals.
Ang tiglawas lang sang Iloilo ang nakatiniil sa mga atleta sang anum ka mga probinsiya nga nagpasakop sa nasambit nga category.
