Bodega sang Iloilo Fishing Port nasunog
ILOILO CITY — Partially damaged ang bodega sa Iloilo Fishing Port sa sunog pasado las-11 kagab-i, April 27.
Madasig ang pagresponder sang mga bombero gani gilayon nga napalong ang kalayo.
Base sa impormasyon, nag-umpisa ang kalayo sa naglupok nga transformer sang MORE Power kag naglaton sa bodega sang fishing port.
Natabu ini pagkatapos lang nagbalik ang elektrisidad sa pila ka lugar sa siyudad tungod sa total blackout sa Panay, Guimaras kag Negros.
