Swimming team sang Iloilo sa Secondary Boys, Girls nakakuha sang 15 ka gold medals sa WVRAA Meet 2023
AKLAN — Tuman ang kalipay sang pambato sang Iloilo tungod ila nakuha ang 15 ka mga gold medals sa swimming sport event sa nagkalain-lain nga category sa nagapadayon nga Western Visayas Regional Athletic Association Meet (WVRAA).
Nakapauli sang gold medal sa secondary boys level kanday Hans Iñigo sa 200 free style kag 4×50 free style category, Jan Rainer sa 200-meter backstroke category, Franz Enrique Pasadilla kag Alexander Kryxtian sa 4×50 free style category.
Gold medalist man ang secondary girls level nga kanday Kriztel Rhey Napallatan sa 100-meter breaststroke, 50-meter butterfly, 50-meter breaststroke, 4×50 medley relay, 4×50 freestyle category; Georjeanna Plenago, Leanne Clarisse Caspillo sa 4×50 free style category; Joan Catherine Perez, Dee Viane Catedrilla kag Andrea Leira Seloterio sa 4×50 relay category.
Suno naman kanday Mark Catalan [coach secondary-boys] kag Bryan Caluba [coach secondary-girl], doblehon pa gid nila ang ila nga pagpanghanda sa ila mga estudyante agud makuha liwat ang bulawan nga medalya sa Palarong Pambansa nga hiwaton sa Makati City halin Hulyo 29 tubtob Agosto 5.
As of 9:30am, Abril 28, may 28 na ka mga gold medals ang Iloilo sa #WVRAA2023.
