66 ka pamalay nasunog sa Rizal Pala-Pala II, City Proper
ILOILO CITY — Masobra P2.2 million ang kahalitan sang sunog sa Rizal Pala-Pala II, City Proper kahapon sang aga base sa report sang Bureau of Fire Protection-Iloilo City.
Sa record sang City Social Welfare and Development Office (CSWDO), 66 ka pamalay ang nasunog sa 43 ang totally damaged kag 23 ang partially damaged.
Gin-report sang BFP nga nagsugod ang sunog sa balay ni Margarito Correa kag naglaton sa kabalayan.
Suno naman sa mga barangay officials, napabay-an nga kandila ang ginhalinan sang kalayo tungod brownout sa barangay.
Tatlo ang gin-report nga napilasan sa sunog.
