Iloilo over-all champion sa taekwondo-boys elementary level sa WVRAA 2023
Gindeklarar nga over-all champion ang team Iloilo sa taekwando sport event-boys elementary level sa nagapadayon nga Western Visayas Regional Athletic Association Meet (#WVRAA2023) sa Aklan.
Nakuha kanday Khobe Vjorn Facton, Xian Jaiden Bayasca, Nathan lee Dedal kag Karl Ziovhan Batulayan kag Jace Raven Ganadillo ang gold medal sa nagkalain-lain nga kategorya sa nasambit nga event.
Si Facton ang nakapa-uli sang gold medal sa Kyorugi player 3 over 160cm category kag Batulayan sa Player 1 Kyorugi category. Amo man nga medalya ang nakuha ni Bayascasa sa mix poomsae category kag all team boys poomsae category
Magluwas kay Bayasca, gold medalist man si Dedal kag Ganadillo sa all team boys poomsae category.
Suno kay Coach Jeremae Bayasca, tuman ang ila kalipay tungod nga nabayluhan sang bulawan nga medalya ang kabudlay sang mga kabataan sa pag-training antes ang WVRAA.
Nagpasalamat man ang mga atleta sa iya trainer coach nga kanday Rodito Jaurigue kag Mark Pinggol.
Si Xian Jaiden Bayasca, Nathan lee Dedal, Karl Ziovhan Batulayan kag Jace Raven Ganadillo ang mangin tiglawas sang Western Visayas sa Palarong Pambansa nga hiwaton sa Marikina City halin Hulyo 29 nga magalawig tubtob Agosto 5.
