11 nadakpan sa raid sa Jaro
ILOILO CITY—11 ang nadakpan sang City Drug Enforcement Unit (CDEU) sa gin-conduct nga raid sa balay sa Brgy. Desamparados, Jaro las-5:15 kahapon sang hapon, Abril 30.
Suno kay Iloilo City Police Office (ICPO) director Police Colonel Joeresty Coronica, una nga nabaklan ang subject nga si Roberto Latoza, 26-anyos nga construction worker sang Brgy. San Isidro, Jaro sang isa ka sachet sang suspected shabu sa balor nga P7,000.
Na-recover pa gid ang dugang nga pulo ka sachets sang suspected shabu nga may standard drug price nga P408,000.
Magluwas kay Latoza, naabutan pa gid sang mga operatiba ang pulo ka mga indibidwal nga naga-“pot session” sa duha ka mga kwarto sang balay sa amo nga lugar.
Ginkilala ang mga nagkaladakpan kanday;
1.) Leopoldo Ubaldo, 34-anyos, tricycle driver sang Brgy Airport, Mandurriao
2.) Angelo Galia, 18-anyos sang Brgy. San Isidro, Jaro
3.) Marken Dela Peña, 20-anyos sang Brgy. Desamparados, Jaro
4.) Elmer Lucot, 39-anyos sang Brgy. Lopez Jaena,Jaro
5.) Asher Sanchez, 19-anyos sang Brgy. Alalasan, Lapuz
6.) Felipe Yanco, 36-anyos sang Bgry 6 Victorias City, Negros Occidental
7.) Armando Diaz, 29-anyos sang Brgy Alalasan, Lapuz
8.) Alias Nonoy, 16-anyos sang Brgy San Isidro, Jaro
9.) Carlos Bitonga, 38-anyos sang Grandplains, San Isidro village, Jaro
10.) Roel Raymundo, 37-anyos sang Rizal, Lapuz
Ginpabutyag ni Coronica nga duha ka bulan nga gin-monitor sang CDEU ang lugar antes ginhimo ang operasyon.
Manug-ubos na ang stock sang illegal drugs sang subject rason nga dyutay lang ang na-recover sa iya, suno kay Coronica.
Wala pa mahibaluan sang CDEU kun diin sila nagakuha sang supply sang druga.
Wala nagasabat si Latoza sang ginpangayuan sang paathag sang Aksyon Radyo News team.
