Iloilo City gov’t tinguhaan nga maka-‘conserve’ sang energy agud mapanubo ang demand sa elektrisidad
ILOILO CITY – Tinguhaan sang Iloilo City Government nga makakinot sang enerhiya agud indi magdaku ang demand sa elektrisidad.
Ini ang ginpahayag ni Mayor Jerry Treñas, santu sa panugyan sang Department of Energy (DOE) tungod sa problema sa transmission line sang National Grid Corporation of the Philippines halin sa Cebu padulong sa Panay rason nga na-experyensiyahan ang malawig nga blackout sang Abril 27, 28, kag 29 sa Panay, Guimaras, kag parte sang Negros Occidental.
Suno sa alkalde, posible ma-experyensiyahan liwat ang power interruption kun indi mapanubo ang demand sa elektrisidad.
“Ginpaplanuhan ko na sa aton nga grupo sa city para nga mapa-reduce ta man ang aton nga demand [sa kuryente]. So isa na to sa mga suggestions nila nga ang pagpasiga sang suga one hour later, ang pagpatay one hour earlier, ang pagpatay sang suga sa mga plazas by 10 o’clock amo man sa Esplanade, mga simbahan,” suno kay Treñas.
Nagapadayon man ang koordinasyon sang siyudad sa MORE Electric and Power Corporation para sa monitoring kun pila ka kilowatts ang magamit sa bug-os nga siyudad.
Sang tinalikdan nga inadlaw, madamo ang nagwangal tungod sa na-experyensiyahan nga malawig nga power interruption.
