Ulian bridge sa Tinocuan, Dueñas temporaryo nga indi maagyan tungod sang baha

ILOILO — Temporarayo nga indi ma-agyan sang mga motorista ang Ulian bridge sa Tinocuan, Dueñas, tungod sa mata-as nga lebel sang tubig baha.

Ini tungod sa madasig nga daludo sang tubig halin sa kabukiran sang Lambunao kag Calinog.

Suno kay Gerlie Pastrana, Municipal Disaster Risk Reduction and Management Office Head sang Dueñas, madamo sang motorista ang stranded nga indi makalabay sa nasambit nga taytay.

May tatlo ka salakyan nga na-trap sa tunga sang taytay nga may sakay nga 10 ka indibidwal kag na-rescue la-una kaina sang kaagahon.

Sa data sang MDRRMO, 42 ka mga pamilya ang gin-evacuate sa Brgy. Capuling, Dueñas kag 56 naman ang halin sa Brgy. Agutayan.