Masobra P100K nga balor sang illegal drugs na-recover sa drug buy bust operation sa Ajuy

ILOILO –Naglab-ut sa P120,000 nga balor sang illegal drugs ang na-recover sa drug buy bust operation nga gin-conduct sa Sitio Tigbao Bukid, Brgy. Malayu-an, Ajuy.

Ginkilala ang subject kay Michael Dan Andeza, 37-anyos, tumandok sang Brgy. Zone 1, Estancia apang temporaryo nga nagatiner sa Brgy. Malayu-an.

Suno kay PLT General Enrique Robles, Acting Chief sang Ajuy Municipal Police Station, duha ka semana nila nga gin-monitor si Andeza.

Na-recover sa subject ang 23 tanan ka plastic sachets sang suspected shabu nga nagabug-at 17 grams.

Detained sa Ajuy MPS si Andeza kag natalana nga pasakaan sang kaso nga paglapas sa Dangerous Drugs Act of 2002.