Financial issues sa tunga sang MPIW kag Bulk Water supplier kinahanglan solusyunan suno kay Mayor Jerry Treñas

May mga issues pa nga dapat istoryahan ang Metro Pacific Iloilo Water kag ang ila bulk water supplier.

Sa conference ni Mayor Jerry Treñas sa MPIW, ginpahayag sang alkalde nga may 10 million liters sang tubig ang nadula sa syudad.

Handa nga magbaton ang MPIW sang tubig halin sa ila bulk water supplier apang kinahanglan pa nga istoryahan sang ila supplier ang mga financial issues pareho sang presyo sang tubig.

Ginpahayag sang alkalde nga ma-taytay lang siya sa tunga sang MPIW kag sang ila supplier apang indi na siya makapahilabot pa bangud negosyo ini.