Hibao-an Flyover, target nga matapos sa Disyembre —DPWH Iloilo City DEO

ILOILO CITY —Target sang Department of Public Works and Highways (DPWH) Iloilo City District Engineering Office nga matapos ang Hibao-an Flyover sa Disyembre.

Ini base sa kumpirmasyon ni Engr. Edward Sudario, Chief sang Construction Department sang DPWH-Iloilo City DEO.

Ginpahayag niya nga nagapadayon ang construction sang flyover. Na-release na ang P100 Million nga pondo halin sa General Appropriation Acts (GAA) para sa completion phase.

Nagatutok ang ulubrahon sang kontraktor sa approaches sang flyover.

Sa initial nga monitoring sang ahensya, wala sang movement ukon paghulag sa mga haligi sang Hibao-an Flyover.

Ginpasalig ni Sudario nga mahimo sila sang load test antes buksan ang flyover sa publiko.

Ang Hibao-an Flyover may P591.2 million nga pondo kag nagalaba sang 240 ka metro.

Makabulig ang Hibao-an Flyover sa pagpahagan-hagan sang trapiko sa Pavia, San Miguel, kag Metro Iloilo, ilabe na sa Mandurriao, suno sa DPWH. –via Cedrick Anona