Bangkay sang lalaki nasapwan nga nasulod sa sako sa Parola Wharf
ILOILO CITY — Ginkilala sang pamilya nga si Raymund Castro ang nasapwan nga bangkay nga nasulod sa sako kag naputos sang packing tape nga naga-utaw-utaw sa Parola Wharf nga sakop sang Barangay Concepcion, City Proper pasado las 10:00 kagab-i.
Nakilala ang bangkay paagi sa tattoo nga “ROSMAR” nga yara sa likod sang lalaki.
Gindala na sa punerarya ang bangkay.
Gin-ako ni Desampados Barangay Kagawad Arnel Ledesma, tiyo sang biktima, nga may record may kaangtanan sa illegal nga droga kag pagpangawat ang iya hinablos.
Suno sa pamilya, Mayo 11 sang kaagahon sang gin-pick-up sang mga lalaki nga nakasakay sa SUV sa Desamparados, Jaro si Castro kaupod si alyas Butlog nga tubtob subong gin-report pa nga missing.
