Dugang nga P250 million kinahanglanon sa pagkay-o sang Ungka Flyover — Third Party Consulting Firm

ILOILO CITY — Nagakinahanglan sang dugang nga P250 Million para ipakay-o ang tatlo ka mga poste nga may daku nga vertical displacement ukon pag-usmod.

Suno kay Engr. Adam Abinales, sang Abinales Engineers Associates plus consultant masobra 10 ka bulan ang construction sang mga haligi nga may depekto.

Isa sa mga ginakonsiderar sang DPWH nga recommendation amo ang pagkakas sang ika-apat, ika-lima kag ika-anum nga haligi kag butangan sang bag-o nga board pile.

Ginkumpirmar man ni DPWH Undersecretary Roberto Bernardo nga i-award ang proyekto sa contractor sa Enero 2024.