LGBTQ member nga taga-Pototan nga una gin-report missing ginpatay kag ginhal-id sa katubuhan sa Dingle

ILOILO — Ginpatay, gin-ipit sa igang nga bato kag gintampukan sang dahon ang LGBTQ member sa Tinocuan, Dingle nga una gin-report missing.

Suno kay Iloilo Police Provincial Office (IPPO) Director Police Colonel Ronaldo Palomo, ginkilala ang bangkay kay Dave Ablanzar sang Brgy. Iwa Ilaud, Pototan.

Ginkumpirmar man niya nga las-2 sang hapon sang nag-surrender ang menor-de-edad nga suspect sa Dingle police station kag ginsugid nga gintampukan niya ang biktima.

Ginpabutyag sang suspect suno kay Palomo nga antes niya ginpatay ang biktima, ginlampusan niya sang matig-a nga bagay si Ablanzar. Ginbuyagyag man niya nga may upod pa gid siya sa pag-obra sang krimen.

Nagpanindugan ang suspect suno kay Palomo nga nahimo nila ang krimen tungod bun-on kun tani sila sang biktima rason nga nagpangaman lang sila.

Nagtu-ad man ang suspect nga natabo ang krimen sa balay sang iya nga lola sa Dingle, tatlo na ka adlaw ang nakaligad suno kay Palomo.

Una na nga gin-report nga na-missing ang biktima sang naglisensya nga may tabuon.

Wala pa ginhingadlan ang suspect nga yara sa custody sang Dingle police.

Halos indi na makilal-an ang LGBTQ member tungod wasak ang iya nga ulo sang ginbuksan sang taga- Scene of the Crime Operatives (SOCO).

Suno kay Barangay Kagawad Clyve Faduga, wala ginlubong ang bangkay sang biktima nga si Dave Ablanzar sang Brgy. Iwa Ilaud, Pototan kundi, ginputos sa bedsheet, ginsal-ut sa duha ka igang nga bato kag gintampukan sang mga dahon.

May nakita man nga higot sa liug sang biktima.

Ginpabutyag ni Faduga nga tungod yara na sa advanced state of decomposition, wala na ginbuksan ang bug-os nga bangkay kag ginhulat na lang ang mga personnel sang punerarya.

Nakilala man sang pamilya si Ablanzar tungod sang iya bukol malapit sa abaga kag suksok nga singsing.