Mag-amay dakup sa drug buy bust operation sa Jaro; 4 ka iban pa nadakpan nga naga-pot session

ILOILO CITY — Anum lakip ang mag-amay ang nadakpan sang Regional Police Drug Enforcement Unit (RPDEU) sa drug operation sa Sitio Sapa, Brgy. Balantang, Jaro.

Suno kay RPDEU team leader PCapt. Glen Soliman, una nga nadakpan ang subject nga si Jerodion Jenon sang nabaklan sang isa ka sachet sang suspected shabu sa balor nga P10, 000, kag iya nga bata nga si Jemar, 23-anyos.

Nakuhaan pa gid sila sang 28 ka mga sachets sang suspected shabu nga ginabanta nagabalor sang P400, 000.

Magluwas diri, nadiskubrihan man sang RPDEU suno kay Soliman nga naga-mintenar man sila sang drug den sa diin nadakpan nga naga-pot session kanday Greg Emmanuel Antonio, 45-anyos sang Balantang, Jaro; Jonathan Ilisan sang Brgy. Aganan, Pavia; Jennifer Estasyon sang Pueblo, Mandurriao; kag Joselito Albie sang Sta Barbara.

Madugay na nila gina-monitor ang subject kag kaina lang gin-operate.

Nanindugan ang subject nga wala siya nagabaligya sang illegal drugs.