Bayad sa arkila sang mga vendors sang Iloilo Central Market nagadepende sa kadakuon sang ila temporary stalls

Kun ano ang bayad sang mga vendors sa ila renta ukon arkila sa sulod sang Central Market amu man ang ila mangin balayran sa ila temporary stalls.

Suno kay Local Economic and Enterprise Office head Maricel Mabaquiao, lain ang presyo sang arkila sang kada section sa merkado tungod nagadepende ini sa kadakuon sang ila nga stall.

Ginpahayag ni Mabaquiao nga ang SM Prime holdings ang nagpahimo sang mga temporary stalls bilang parte sang Public-Private Partnership sa City Government. Apang ang bayad sang mga vendors sa arkila ang makadto sa City Government.

Sa pagpangusisa, ang mga vendors nga sa grocery section ang nagabayad sang P620 kada stall samtang ang mga kalan-an ang nagabayad sang P2,900 kada stall.