DPWH indi pa matumod kun sin-o ang dapat basulon sa naga-usmod nga Ungka flyover

ILOILO — Indi pa matumod sang Department of Public Works and Highways (DPWH) 6 director Engr. Nerie Bueno kun sin-o ang basulon kag manabat sa naga-usmod nga P680 Million nga balor sang Ungka Flyover.

Sa subong prayoridad sang ahensya nga makapangita sang pondo agud nga ma-umpisahan ang mga pamaagi sa pagkay-o sang imprastruktura.

“Sa ngayon, we do not know who is responsible, who is accountable. Ang ating priority ngayon is to look for solutions to address the problem that we are facing now.” pahayag pa sang director.

Ginpabutyag pa ni Bueno nga wala may ginatago ang DPWH 6 apang ginahulat pa nila ang opisyal nga findings nga mapasa sa ila sang Abinales Associates Engineers plus consultant, ang consulting firm nga ginbaydan sang masobra P13 Million agud mag-imbestigar sang Ungka Flyover. — via Cedrick Anona