Ikaapat, ikalima kag ikaanum nga haligi sang Ungka flyover ilisan suno sa 3rd party consulting firm nga gin-hire sang DPWH agud mag-imbestigar sa problema

Ilisan ang ikaapat, ikalima, kag ikaanum nga haligi sang Ungka Flyover nga nakitaan sang pinakadaku nga pag-usmod base sa imbestigasyon sang Abinales Associates Engineer plus Consultants, third party consultant nga gin-hire sang DPWH.

Ini ang rekomendasyon sang consultant suno kay Engr. Nilo Jardeleza, miyembro sang Infrastructure and Development Committee sang Regional Development Council (RDC) 6.

Base sa imbestigasyon sang Abinales Consultants, halin Mayo 2022 tubtob Abril subong nga tuig, sobra isa ka tapak ang pag-usmod sang tatlo ka haligi.

Jet grouting naman ukon ma-inject sang semento sa idalum sang duta sa iban pa nga haligi, suno kay Jardeleza, santu gihapon sa rekomendasyon sang consultant.

Liwat nga maga-bid para sa “remove and replace” nga pag-obra tungod bag-o ini nga program of work kag may bag-o nga funding.

Ginabanta sa P200 ang kinahanglan nga pondo para sa bag-o nga trabaho sa P680 million pesos nga flyover.