Condemnation rally sa palpak nga Ungka Flyover hiwaton sa Mayo 23 — Elmer Forro sang Bayan Panay

ILOILO CITY — Nagapanawagan si Bayan Panay Secretary General Elmer Forro sa publiko nga updan sila sa condemnation rally sa Ungka Flyover sa Mayo 23, las 5:00 sa hapon.

Ini bilang sabat sa panawagan ni Iloilo City Councilor Plaridel Nana nga kondenaron ang ginatawag niya nga “broad daylight” robbery sang DPWH kag contractor sang Ungka Flyover.

Suno kay Forro, dapat nga may manabat gid sa palpak nga Ungka Flyover tungod kwarta sang pumuluyo ang gin-uyangan.

Samtang, ginakabig ni Forro nga immoral kag sobra ka sakit nga pagtampalas sa kaban sang pumuluyo ang pagdugang sang pondo nga nagalab-ut sa P250 million para sa pagkay-o sang P680 million nga Ungka Flyover. –via Aksyon Reports Morning edition