ArchivesLokal

1 patay, 4 na-ospital sang naigo sang kilat sa Anilao, Iloilo

ILOILO – Isa patay kag apat ang pilason sang naigo sang kilat sa Sitio Lau-uwan, Barangay San Carlos, Anilao las-4 kahapon sang hapon, Mayo 26.

Suno kay PSSg Richie Britaña, imbestigador sang Anilao Police Station, gindala pa sa ospital si Rey Velarde, 45-anyos, apang gindeklarar nga dead-on-arrival.

Nagapabilin naman nga ginabulong sa ospital sanday Lorenze Daquiado, 31-anyos; Laurence Daquiado, 27-anyos; John Paul Taldelore, 24-anyos; kag alyas Ian, pito ka tuig nga lunsay may mga paso sa lawas.

Ginpahayag ni Britaña nga yara sa payag ang mga biktima kag naga-inum-inom ang apat sa ila sang gulpi lang nag-ulan kag nagpangilat. –via Aksyon Night Patrol