Mga barangay nga masami ginabaha sa Iloilo City ginapa-alerto na

ILOILO CITY – Ginapa-alerto sang Iloilo City Government ang mga barangay nga masami ginabaha kag mga yara sa coastal area bilang preparasyon sa posible epekto sang Super Typhoon Betty.

Sa Memorandum sang Office of the City Mayor, may 72 ka mga barangay nga high-risk sa pagbaha kag may 22 ka barangay nga high risk sa storm surge sa siyudad.

Densely populated area naman ang yara sa mga coastal areas kag kinahanglan nga mag-comply kun may pre-emptive evacuation.

Naka-blue alert status ang syudad kag ginapa-standby ang City Disaster Risk Reduction Management Office para sa bagyo Mawar nga hatagan sang local name nga Betty kun makasulod na sa Philippine area of responsibility. –via Iloilo City Government

Una na nga ginpahayag sang PAGASA nga may pag-ulan sa Western Visayas tungod pabaskugon sang bagyo ang Habagat nga naga-apekto sa rehiyon.