Pulis

Apprentice sang Weesam Express nalumos sang ginluwas ang kaupdanan niya nga apprentice

ILOILO CITY—Bangkay na sang nakita ang apprentice sang Weesam Express nga ginkilala kay Bryle Gonzales, 22 anyos sang Zamboanga sang mga katapo sang Philippine Coast Guard makaligad ang 20 minutos nga search and retrieval operation kahapon, Hunyo 1.

Ginabanta masobra 10 metros ang kadalumon kun diin nakita ang lalaki malapit sa fast craft kag nagabura na ang baba sang na-retrieve.

Mga las-2 sa hapon sang gin-report nga nalumos si Gonzales sang naglumpat sa dagat agud luwason ang kaupod niya nga apprentice.

Suno kay Kagawad Noli Mabasa, una nga naglangoy sa dagat ang upod niya nga apprentice nga ginkilala kay Aira Salcedo, 24 anyos.

Pero naglumpat sa dagat si Gonzales agud luwason si Salcedo tungod nakita niya nga daw malumos. Natingala na lang si Salcedo nga wala na nakabutwa sa tubig si Gonzales.

Pareho nga graduating students sa kurso nga Bachelor of Science in Marine Engineering sa Zamboanga City State Polytechnic College ang duha ka apprentice.

Gindala na sang katapo sang coast guard sa hospital si Gonzales.

jomaque

Aksyon Radyo Iloilo is the No. 1 station in both AM and FM bands in Iloilo based on April 2023 Kantar Media Survey.

Leave a Reply