Subject sa drug buy bust operation sa Dumangas patay sang natiruhan tungod gin-report nga nagbato sa mga operatiba

ILOILO — Patay ang subject sang natiruhan sa drug buy bust operation sang ginpahayag nagbato sa mga operatiba sa Sitio Naluoyan, Barangay Sapao, Dumangas kaina sang kaagahon.

Ginkilala ang subject kay Gerald Joseph Ruben Gelario sang Oton.

Gindala pa sa ospital ang subject pero gindeklarar nga dead-on-arrival.

May na-recover nga suspected shabu nga nagabug-at sang 350 grams kag ginabanta sa P2 million ang balor.

Sa report nga nabaton sang Dumangas Police, naga-supply sang illegal drugs ang subject sa kaiping nga kabanwahanan.