Masobra P1.1 million nga balor sang suspected shabu nakumpiskar sa drug buy bust operation sa Molo
Iloilo City — Masobra P1.1 million nga balor sang suspected shabu ang nakumpiskar sa drug buy bust operation sa Barangay North Baluarte, Molo las 9:20 kagab-i, Hunyo 7.
Nakuhaan sang 33 ka sachets sang suspected shabu ang mag-iloy nga ginkilala kanday Maressa, 61-anyos, kag Danmar Duremdes, 39-anyos, nga lunsay residente sang amo nga lugar kag Gene Catalan, 47-anyos sang South Baluarte, Molo.
Nabaklan sang isa ka sachet sang suspected shabu ang tatlo nga nagabalor sang P17,000.
Main target sang operasyon ang bataon nga Duremdes nga ginakabig sang mga operatiba nga High Value Individual.
Gintinguhaan sang Aksyon Radyo News Team nga makuhaan sang pahayag ang mga nagkaladakpan pero nagpamalibad sila nga magpa-interview.
Ginhimo ang operasyon sang Regional Police Drug Enforcement Unit (RPDEU) sa pagpanguna ni Police Captain Glenn Soliman kaupod ang Molo Police sa pagpanguna ni Police Captain Benjie Decin.
