Iloilo City Police Office luyag nga ideklarar nga ‘insurgency free” ang siyudad
Nadesisyunan sa meeting sang Iloilo City Police Office, 301st Infantry Brigade sang Philippine Army upod si Commander Michael Samson kag Commander Paterno Belarmino sang Philippine Coast Guard nga i-endorse sa City Peace and Order Council nga “insurgency free” ang Iloilo City.
Suno kay ICPO Director Police Colonel Joeresty Coronica, ginkasugtan nila tanan nga yara sa meeting nga pwede na madeklarar nga insurgency free ang syudad.
Ginpaathag ni Coronica nga nalab-ut na sang Iloilo City ang mga parameters nga gina-require sa pagdeklarar sang insurgency free.
Wala man suno sa iya sang mga armado nga grupo sa siyudad kag indi na aktibo ukon diutay na lang ang mga naga-upod sa mga naga-rally.
Sa masunod nga semana, makigkita si Coronica kag Samson sa Iloilo City Peace and Order Council agud mahibaluan ang desisyon kag kun ano ang makomentar ni Mayor Jerry Treñas.
