Balay sa Bakhaw, Mandurriao ginguba sang masobra 10 ka armado nga mga lalaki

ILOILO CITY — Ginkulba-an ang tag-balay nga si alyas Melba sang ginguba sang masobra 10 ka armado nga mga lalaki ang iya balay sa Barangay Bakhaw, Mandurriao las 11:30 kagab-i.

Suno kay Melba, ginguba sang mga lalaki ang ila tyangge, dingding sang balay kag ginwasak pati ang jalousie sang ila bintana.

Indi makilala ni Melba ang armado nga mga lalaki tungod nakasuksok sang bonnet.

Gin-claim ni Melba nga naghambal ang mga lalaki nga may dala nga mga pusil nga pamatyon sila.

Dugang ni Melba, wala siya nagguwa sa balay tungod sa kakulba pero nakasabtanay sila sang mga lalaki antes sila naglakat palayo.

Pero, mga las 2:00 kaina sang kaagahon, nagbalik naman ang armado nga mga lalaki nga naglibot lang sa lugar kag naglakat man gilayon.