Lalaki patay sang nalumos sa Anilao

ILOILO—Patay na sang nasapwan nga nagalutaw ang 30-anyos nga lalaki nga nagpaligo sa beach resort sa Brgy. Pantalan, Anilao mga kahapon, Hunyo 24.

Suno kay Police Captain Maria Fe Umiten, hepe sang Anilao Municipal Police Station, ginkilala ang biktima kay Freddie Divinagracia nga residente sang nasambit nga lugar.

Suno kay Umiten, ginapatihan nakainom sang makahulubog nga ilimnon ang lalaki sang nagpaligo sa dagat rason nga nalumos.

Gin-anod ang biktima sa batuhon nga porsyon sang dagat, suno sa police.

Gindala pa sa higad sang baybay ang lalaki agud ma-revive kag gindala sa ospital pero wala natabangan.