Negosyante ginbuno patay sa Ajuy

ILOILO — Patay na sang nasapwan ang negosyante sa Brgy. Luca, Ajuy kahapon sang aga, Hunyo 24.

Ginkilala ang biktima kay Neilo Saul, 66 anyos, retired seaman, naganegosyo sang isda, kag temporaryo nga nagatiner sa nasambit nga barangay.

Suno kay PLt. General Enrique Robles, hepe sang Ajuy Municipal Police Station, nasapwan sang iya trabahante si Saul malapit sa punungan sa likod sang ila balay nga nagakaya kag may pilas sa nawala nga butkon.

Wala sang may na-recover nga hinganiban sa area suno pa sa pulis.

Ginahulat na lang sang kapulisan ang autopsy result sang biktima.

Dugang ni Robles, naguwa sa ila imbestigasyon nga wala na ang wallet ni Saul kag base sa pamilya sang biktima wala man ang iya calibre .45 pistol.

May person of interest na ang kapulisan apang indi pa nila mahingadlan.

Personal grudge, pagpangawat, kag pagtimalos ang pila sa motibo nga ginasundan sang kapulisan.