Estudyante sa Estancia, ambulant vendor sa Molo nalakip sa mga Badjao nga ginpabalik sa Bacolod

ILOILO — Sa 74 ka mga Badjao nga ginpabalik sang Iloilo City sa Bacolod City, 14 lang ang na-record nga lakip sa 80 ka mga Badjao nga gin-transport sa Iloilo sang Hunyo 22.

Suno kay Vice Mayor El Cid Familiaran sang Bacolod City, sa ila record, ang iban nga mga Badjao ang indi halin sa Bacolod kag gin-transport lang sang Iloilo City Government.

Ini suno kay Familiaran kun wala gin-islan sang mga Badjao ang ila pangalan.

Lakip man sa gin-transport sang Iloilo City ang estudyante nga taga-Estancia kag ambulant vendor sa Molo.

Ginpahayag sang bise-alkalde nga may record sila sang ngalan kag may pictures man sila sang mga Badjao nga ila gin-transport.