RTWPB Western Visayas mahiwat sang serye sang konsultasyon subong nga bulan may kaangtanan sa wage hike petitions
Mahiwat sang series of consultation subong nga bulan ang Regional Tripartite Wages and Productivity Board in Western Visayas (RTWPB) para diskusyunan ang duha ka petisyon angut sa wage hike nga ginaduso sang United Labor Western Visayas kag Iloilo Pepsi-Cola Workers Independet Union.
Suno kay Department of Labor and Employment (DOLE) 6 Regional Director, Atty. Sixto Rodriuguez, Jr., nakatapos na sa series of meeting ang ahensya upod ang nagkalain-lain nga labor groups sa rehiyon antes talakayon sa consultation ang duha ka petisyon.
Hiwaton ang una nga consultation sa Hulyo 5 upod ang mga stakeholders kag labor groups sa Iloilo kag Guimaras.
Sa masunod naman nga semana i-schedule sang ahensya ang consultation sa Negros Occidental kag Bacolod City.
Matandaan nga sa wage hike nga gin-petisyon sang duha ka labor groups, tinutuyo nga pasakaan sang P100 across-the-board ang minimum wage sa rehiyon nga P410 tubtob P450.
