Pag-implementar sang LPTRP temporaryo nga gin-“freeze” sang DOTr, LTFRB — Transport group Manibela Chair Mar Valbuena

ILOILO — Temporaryo nga gin-“freeze” sang Department of Transportation (DOTr) kag Land Transportation Franchising and Regulatory Board (LTFRB) ang pag-implementar sang Local Public Transport Route Plan (LPTRP) sa pungsod.

Ini ang ginpahayag ni Mar Valbuena, chairman sang transport group nga Manibela.

Isa sa mga gin-apelar ni Valbuena kay Department of Transportation (DOTr) Secretary Jaime Bautista ang temporaryo nga pagpa-untat sa implementasyon sang LPTRP.

Region 6 naman ang may pinakamalala nga sitwasyon kun LPTRP ang pagahambalan, suno pa kay Valbuena.

May natalana nga hearing sa Senado, suno kay Valbuena, agud istoryahan ang petition sang Manibela nga ibasura ang LPTRP.

Nagpadulong si Valbuena sa Iloilo City agud hibaluon ang sitwasyon sang jeepney driver kag operators ilabe na gid sa epekto sang Public Utility Vehicle Modernization (PUVM) Program sang gobyerno.