Bata patay sang ginbuno sang iya amay sa Janiuay

ILOILO — Patay ang 29-anyos nga lalaki sang ginbuno sang iya amay sa sulod sang ila balay sa Barangay Tamu-an, Janiuay las-8:15 kagab-i.

Ginkilala ang amay kay Jernani Ojanula, 59-anyos samtang ang bata ginkilala kay Jason Ojanula, 29-anyos

Suno kay Police Senior Master Sergeant Francisco Provido, imbestigador sang Janiuay Municipal Police Station, pareho nga naka-inom sang makjahulubog nga ilimnon ang suspek kag biktima.

Gingarit-garit suno sa iya sang bata ang amay samtang nagakatulog rason nga naakig ang suspek kag ginbuno ang biktima.

Gindala pa sa ospital ang biktima apang gindeklarar nga napatay tungod sang pilas sa dughan.

Indi na mag-file sang kaso ang pamilya sa pagpati nga istorya hinubog lang ang natabo suno pa kay PSMSg Provido.