Pangayaw arestado tungod sa paggamit sang peke nga kwarta sa pagbakal sa Miagao Public Market

ILOILO — Arestado ang 53-anyos nga lalaki sang nadakpan nga naggamit sang peke nga kwarta sang nagbakal sa Miagao Public Market las-10:30 kahapon sang aga. Hulyo 8.

Suno kay Police Captain Francis Donne Lomahan, hepe sang Miagao Municipal Police Station, una nga nagbakal ang lalaki sang isa ka kilo sang isda sa balor nga P300 gamit ang peke nga P1,000 bill.

Sunod nga nagbakal ang lalaki sang isa pa gid ka kilo sang isda sa lain nga vendor gamit ang peke nga P1,000 bill, suno kay Lomahan.

Sang ulihi suno sa police, namutikan sang una nga fish vendor nga peke ang kwarta nga gingamit sang lalaki rason nga gin-hold nila kag gin-report sa police.

Na-recover sa lalaki ang anum pa gid ka peke nga P1,000 bills kag isa ka peke nga P500 bill.

Preso na subong sa Miagao Police Station ang lalaki nga taga-Molo.