Pick-up nahulog sa pil-as sa Tubungan, Iloilo; Mga sakay wala napilasan

ILOILO — Nahulog sa pil-as ang pick-up sa Brgy. Ingay, Tubungan sang Enero 6 sang aga.

Ginkilala sang Tubungan police ang driver sang pick-up kay Gilbert Estomo, 38-anyos sang Barangay Jona sa amo nga banwa.

Suno kay Police Staff Sergeant Japer Ryan Bastonero sang Tubungan Police Station, halin sa Guimbal si Estomo kag papuli na kuntani sa Tubungan.

Ginpahayag ni Bastonero nga wala makontrol sang driver ang manibela sang pick-up samtang nagapaliko sa madanlog kag kurbadahon nga porsyon sang dalan.

Base sa imbestigasyon sang police, gintinguhaan pa sang driver nga magpreno pero nahulog gid sa pil-as nga nagataas sang 15 tubtob 20 ka tapak.

Wala man napilasan si Estomo kag ang tatlo niya ka sakay, suno pa kay Bastonero.