Confiscation sang driver’s license “indi dapat pagpanginmatyan” — Iloilo City Mayor Jerry Treñas

ILOILO CITY— Indi dapat pagpanginmatyan ang issue sa confiscation sang driver’s license.

Suno kay Iloilo City Mayor Jerry Treñas, sundon gihapon sang city government ang nabutang sa City Ordinance No. 338 sa diin gina-otorisar sang syudad ang traffic enforcers nga mag-confiscate sang lisensya sang traffic violator.

Apang gin-athag ni Treñas nga kun indi maghatag sang lisensya ang driver, issue-han lang siya dapat sang citation ticket.

Ginpabutyag sang alkalde nga sawayon man nila ang traffic aides nga nagapamwersa nga mag-confiscate sang driver’s license.

Naga-coordinate na ang syudad suno kay Treñas sa Land Transportation Office sa pag-resolve sang issue.

“It’s not an issue nga daw ka dako gid bala. Te lisensya man lang na.” suno pa kay Mayor Treñas.